அப்போது, தண்ணீர் தொட்டிக்குள் துப்பாக்கித் தோட்டக்கள் இருந்துள்ளன. இதைக் கண்டு அதிர்ச்சியடைந்த பெருமாள், தனது குடும்பத்தாரை அழைத்து அதை காட்டியுள்ளார். இதைத் தொடர்ந்து அக்கம் பக்கத்திலும் தகவல் பரவ, அனைவரும் அங்கு வந்தனர். இந்த நிலையில், பெருமாள் வீட்டின் அருகில் உள்ள புஷ்பா என்பவரது வீட்டு வாசலிலும் துப்பாக்கி தோட்டக்கள் கிடந்ததை புஷ்பா கவனித்துள்ளார்.
அடுத்தடுத்து வீடுகளுக்கு முன்னால் துப்பாக்கி தோட்டக்கள் கிடந்ததால், அதிர்ச்சி அடைந்த கிராம மக்கள், உடனே போலீசாருக்கு தகவல் தெரிவித்தனர். உடனே பாடலூர் போலீசாருக்கு தகவல் தெரிவிக்கப்பட்டு, அங்கு வந்த போலீசார், வீடுகளுக்கு முன் சிதறிக் கிடந்த துப்பாக்கித் தோட்டக்களை சேகரித்தனர். அதன் பின் அங்கிருந்த கிராம மக்களிடம் விசாரணையில் ஈடுபட்டு வருகின்றனர்.
சம்மந்தப்பட்ட கிராமத்தின் அருகே துப்பாக்கிச்சுடுதல் பயிற்சி மையம் உள்ளது. இதனை தொடர்ந்து அங்கிருந்து தான் தோட்டக்கள் வந்திருக்கும் என்று போலீசார் சந்தேகிக்கும் நிலையில், கைப்பற்றப்பட்ட தோட்டக்கள், பயிற்சி மையத்தில் பயன்படுத்தப்படுவதா என்பது குறித்தும் விசாரணை நடந்து வருகிறது.அடிக்கடி கிராமத்தில் வீடுகளில் துப்பாக்கி குண்டுகள் கண்டெடுக்கப்பட்டு வருவதால், அப்பகுதி மக்கள் பீதியடைந்துள்ளனர். இதே கிராமத்தில் 8 மாதங்களுக்கு முன்பு சுப்பிரமணியம் என்பவர் வீட்டின் மேல் கூரையில் துப்பாக்கித் தோட்டக்கள் இருந்தது என்பது குறிப்பிடத்தக்கது.
- தமிழக குரல் இணையதள செய்திகளுக்காக பெரம்பலூர் மாவட்ட செய்தியாளர் ஆஸ்கர் மணிவண்ணன்.
No comments:
Post a Comment